kpk - til forsiden
               
Kristelig Pressekontor postboks 101 tlf 69 88 43 90 faks 69 88 43 94 e-post kpk@kpk.no
 
 
 

 

KPK leverer tekst og bilder til aviser og andre medier, som abonnerer på stoffet. Andre som besøker siden, kan lese nyhetsstoffet 24 timer etter at det er sendt ut til abonnentene.
Tekst på bokmål og nynorsk.

Addet ruhtadoarjaga doarrádallojuvvon risttalaččaide

Publisert 24.11.2014
Ruhtaaddit leat árvasat skeŋket ruđa doarrádallojuvvon risttalaččaide Åpne Dører ja Stefanusalliansen organisašuvnnaid bokte.

Skábman ja juovlamánus lávejit olbmot leat árvasepmosat addit ruhtaskeaŋkkaid eaktodáhtolaš organisašuvnnaide. Organisašuvdna Åpne Dører leat dál juo ožžon dan 25,5 miljon kruvnno maid ledje bušehttii bidjan olles jahkái 2014.

Stefanusalliansen lea ožžon sullii 18,5 miljon kruvnno dan 22 miljovnna sturrosaš sisaboađus maid sii ledje bušeteren dán jahkái. Åpne Dører organisašuvnna váldočálli Morten Askeland jáhkká ahte media olu ságat doarrádallojuvvon risttalaččaid dilis, áinnas Irak ja Syria guovlluin, leat váikkuhan dasa ahte sin sisaboahtu lea lassánan.

Stefanusalliansena hálddahusjođiheaddji Esther Simonsen muitala ahte sin organisašuvnnas leat skeaŋkasisaboađut dássedit lassánan maŋemus jagiid.

-Jagi loahpas lea álo hui gelddolaš. Dalle bohtet eanas sisaboađut. Muhto mus lea jáhkku ahte min sisaboahtu lassána veahá eambbo go dat maid mii leat bidjan bušehttii, dadjá son. KPK

 

Mearraolbmáidgirku ođđa njunuš almmolaš juovlamánus

Juovlamánu álggus várra čielgá gii šaddá ođđa váldočállin Mearraolbmáidgirkui. Mearraolbmáidbáhppa Jan Olav Johannessen (64) lea doaibman sadjásaš váldočállin njukčamánu rájes maŋŋil go Audun Myhre geassádii virggis. Johannessen lea hui čielgasit dadjan ahte son ii oza dán virgái. Váldostivrra jođiheaddji Kjell Nordstokke dadjá ahte váldočálli ii dárbbaš leat teologa, vaikko dat duogáš attášii buori gelbbolašvuođa virgái.

-Mii dáhttut ahte eambbo evttohasat leat virgái, muhto mii leat maid dadjan ahte váldočállis galgá leat girkofágalaš gelbbolašvuohta ja galgá bures dovdat Mearraolbmáidgirku girkolaš doaimmaid, dadjá Nordstokke. KPK       

 

 



Powered by Cornerstone