kpk - til forsiden
               
Kristelig Pressekontor postboks 101 tlf 69 88 43 90 faks 69 88 43 94 e-post kpk@kpk.no
 
 
 

 

KPK leverer tekst og bilder til aviser og andre medier, som abonnerer på stoffet. Andre som besøker siden, kan lese nyhetsstoffet 24 timer etter at det er sendt ut til abonnentene.
Tekst på bokmål og nynorsk.

Báhpat váilot Mearraolbmáidgirkus

Publisert 03.11.2014

Báhppavátni lea ollen maid Mearraolbmáidgirkui. Norgga girku lea juo moanat jagiid rahčan oažžut ohcciid báhppavirggiide, eandalii boaittobeliide. Mearraolbmáidgirku báhppavirggiide leat ovdal leamaš olu ohccit olgoriikii. Dál lea dilli rievdan.

Ain leat olu ohccit bargguide USA:s ja Eurohpás ja daidda iešheanalis ja eambbo «friddja» báhppavirggiide, earret eará oljobohkáide. Mearraolbmáidgirku bargiidhoavda Sissel Vartdal muitala bláđđái Bud & Hilsen ahte eará virggiide lea váttis oažžut olbmuid.

-Go eai leat šat nu oallugat geat váldet báhppaoahpu, de dat váikkuha midjiide maid, son dadjá. Boađusin lea ahte mii fertet sadjásašbargiiguin birget. KPK

 

 

101 konfirmántta Frelsesarmeas

Dán jagi leat 101 konfirmántta geat Frelsesarmeas konfirmerejuvvojit. Golmmas bohtet Islánddas, ja earát leat eret iešguđet báikkiin Norggas. Oallugat eai leat muđui Frelsesarmeas mielde, muhto sii válljejit dán danne go sis leat oappát ja vieljat dahje ustibat geat leat konfirmerejuvvon Frelsesarmeas ja sii leat ávžžuhan sin. Dan dieđiha Frelsesarmea neahttasiidu.

Konfirmánttat leat leamaš Frelsesarmea konfirmántaleairras Jeløyas Mossas, ja sii ledje juhkkon guovtti jovkui. Prográmmas lei Oslo-mátkki mas fitne Fretexas, fitne gárrenmirkogeavaheddjiid fuolahandoaimmahusas  mas lea namma «Jobben» ja sis lei maid oahpahus olbmuid gálvooastin ja -geavahandábiid birra. KPK

 

 

VM-girku plánejuvvo Falunii

Mearraolbmáidgirku pláne ásahit VM- girku (Máilmmimeašttirgilvvu-girku) boahtte jagi VM-čuoigamii Falunii Ruoŧas. 50 000 norgalačča leat vuordimis gilvvuide. Mearraolbmáidgirku bovde buohkaid geat bohtet dohko boahtit sin «lieggastohpui» Kristinegårdenis. Dát lanjat leat 100 m eret dan šiljus gos juhket medáljjaid. Máilmmimeašttirgilvvuid áiggi doallá Mearraolbmáidgirku seminára falástallanlihkadusa ovttasbarggus, mas áiccalmassii bidjet falástallama árvvuid. KPK

 

 



Powered by Cornerstone