kpk - til forsiden
               
Kristelig Pressekontor postboks 101 tlf 69 88 43 90 faks 69 88 43 94 e-post kpk@kpk.no
 
 
 

 

KPK leverer tekst og bilder til aviser og andre medier, som abonnerer på stoffet. Andre som besøker siden, kan lese nyhetsstoffet 24 timer etter at det er sendt ut til abonnentene.
Tekst på bokmål og nynorsk.

Marit ja Irene leaba 40 jagi johtán

Publisert 27.10.2014

Golggotmánu 25.beaivvi álggahuvvo Marit ja Irene ávvudeapmi go leaba 40 jagi johtán ja soai doallaba konseartta Filadelfias Oslos. Soai vuolgiba mátkái mii bistá ovcci beaivvi ja soai loahpaheaba mátkki Bildøyas Bergenis skábmamánu 2.beaivvi.

Marit Stokken eret Fitjaris Hordalánddas ja Irene Krokeide Alnes eret Fanas Bergenis doalaiga vuosttaš čoahkkima ovttas golggotmánu 1.beaivvi 1974. Dan rájes leaba dát guokte lávlunevangelistta doallan lohkameahttun čoahkkimiid ja čoahkkinkampánnjaid Norggas, eanas oarjin ja lullin Norggas ja Finnmárkkus. Indremisjonsselskáhppi lea sudno bidjan doibmii.

Soai leaba maiddái lávlon báddái ja CD:i. Soai ieža dadjaba ahte leat 21 originálbáddema. Jus čoahkkepláhtaid maid váldá lohkkui mielde, de leat oktiibuot 25 almmuhusa sudnos. Soai eaba dieđe juste galle pláhta ja CD leaba vuovdán, muhto lea goit badjel 160 000.

Marit ja Irene eaba diehtán jagis 1974 ahte sudno ovttasbargu galggai bistit 40 jagi.

-Guhká doai ain bargabeahtti lávlunevangelistan?

-Dassážii go moai manne ealáhahkii, ja jus dearvvašvuohta lea ja Ipmil dáhttu. Soaitá ahte moai duollet dálle ovttasbarge go letne ealáhagas maid? Gohččun lea dat mii munno movttiidahttá lávlut, dadjaba Marit ja Irene. KPK

 

 

 

Stivraválggat Kristtalaš Friddjaskuvllaid lihtus

Odd Anders With válljejuvvui nuppádassii stivrajođiheaddjin Kristtalaš Friddjaskuvllaid Lihttui (KFF) sin čoahkkimis golggotmánu 21.beaivvi. With lea hálddahushoavda Kristtalaš Joatkkaskuvllas Trøndelágas. Ovdal lea stivra ieš vuođđudan ja válljen siskkáldasat. Dál lea njuolggadusat rievdaduvvon  ja ovddastangoddi vállje jođiheaddji. Ovddastangottis leat áirasat mat fas ovddastit 125 miellahttoskuvlla mat KFF:i leat gullevaččat.

Stivraláhtut geaid válljejedje njealji jahkái: Astrid Aarhus Byrknes, Kongshaug musikkgymnasa stivrajođiheaddji, Os, Ingvill Kvalsnes Blom, Danielsen mánáid- ja nuoraidskuvlla ossodatjođiheaddji, Sotra, Hilde Grimm, rektor Oasen skuvllas, Songdalen. Stivralahtut geaid válljejedje guovtti jahkái: Marion Bojanowski, Bibelskolen Grimstad hálddahusjođiheaddji.

Stivrra ovddeš miellahtut geain vel lea guokte jagi stivrras: Hallgeir Solberg, rektor Øya joatkkaskuvllas, Melhus ja Elisabeth Thielemann, rektor St. Eystein skuvllas, Bodåddjå. KPK



Powered by Cornerstone