kpk - til forsiden
               
Kristelig Pressekontor postboks 101 tlf 69 88 43 90 faks 69 88 43 94 e-post kpk@kpk.no
 
 
 

 

KPK leverer tekst og bilder til aviser og andre medier, som abonnerer på stoffet. Andre som besøker siden, kan lese nyhetsstoffet 24 timer etter at det er sendt ut til abonnentene.
Tekst på bokmål og nynorsk.

Oallugat čuvvot TV:s gáhttaspábbačiekčama násttiid

Publisert 14.10.2014

100 000 geahčči čuvvo golggotmánu 5.beaivvi dan vuosttaš TV-sáddaga maid dárogillii gohčodit «Mitt livs sjanse». Dan TV2 čájeha. Dán prográmma ráhkada TV Inter ja TV2 čájeha dan gávcci sotnabeaivvi. 

Dain sáddagiin mii oaidnit oasseváldiid geat leat mielde Frelsesarmea gáhttaspábbačiekčamis. Sii čikčet dan várás ahte beassat riikajovkui mii fargga lea vuolgimin Máilmmimeašttir gilvvuide  gáhttaspábbačiekčamis (Homeless World Cup). Dán jagi lágiduvvo dat Chiles.

Maiddái Máilmmimeašttir gilvvuid vuolde čuvvojuvvojit spábbačiekčit. Eaktun beassat riikajovkui lea ahte čiekči sáhttá duođaštusaid bokte čájehit ahte ii geavat gárihuhttinmirkkuid. Nu lea oasseváldiid oassálastin gáhttaspábbačiekčamis maiddái movttiidus ja rahčá beassat eret gárihuhttinmirkkuin.

Norggas lea dán jagi vuosttaš geardde mielde golmma jagis nissonjoavku mielde riikajoavkkus. Sii geat leat riikajovkui váldojuvvon, leat eret iešguđet báikkiin min riikkas. Čiekčit bohtet Oslos, Stavangeris, Bergenis, Troandimis, Askeris, Kristiansandas ja Fredrikstadas.

Golggotmánu 17.beaivvi lea vuolgga Chilei ja Máilmmimeašttir gilvvuide. Joavkkut čoahkkanit álggos Mossii ráhkkanit mátkái. Máilmmimeašttirgilvvuide servet spábbačiekčanjoavkkut olles 49 riikkas. KPK

 

Bismmat liikojit Nobelbálkkašumi vuittiide

-Hui somá lei gullat geasa dán jagáš Nobel ráfibálkkašumi leat addán, ja mii sávvat olu lihku dan guoktásii geat leaba árvvolaš vuoitit. Goappaš vuoitit leaba olu bargan mánáid vuoigatvuođaid ovddideamis. Soai leaba váikkuhan dasa ahte addit mánáide ja nuoraide boahtteáiggi doaivaga ja dan láhkái ráfi hukset, celkkii Bismačoahkkima njunušbisma, Helga Haugland Byfuglien.

Son dadjá preassadieđáhusas ahte lea erenoamáš illudahtti go bálkkašuvvojit dakkár olbmot geat olu leat persovnnalaš bargguin čujuhan nieiddažiid oahppováldin vuoigatvuođaide. Son oaivvilda maid ahte bálkkašumi juohkin maid lasiha fuomášumi dasa ahte mánát geavahuvvojit ekonomalaš ávkki ovddideapmái. 

Son maid ovdandoallá ahte dat mearkkaša maid olu ahte bálkašumi oažžut gullaba guovtti stuora oskkusuorgái, go soai leaba mušliima ja hindu. Dat lea mielde bidjame ain stuorát deattu dasa ahte mánáid olmmošvuoigatvuođaid ovddideami rahčamuš manná rastá oskkuid ja kultuvrralaš rájiid. KPK.  



Powered by Cornerstone