kpk - til forsiden
               
Kristelig Pressekontor postboks 101 tlf 69 88 43 90 faks 69 88 43 94 e-post kpk@kpk.no
 
 
 

 

KPK leverer tekst og bilder til aviser og andre medier, som abonnerer på stoffet. Andre som besøker siden, kan lese nyhetsstoffet 24 timer etter at det er sendt ut til abonnentene.
Tekst på bokmål og nynorsk.

Sámemišuvdna vuovdá viesu Guoládagas

Publisert 06.10.2014

Norgga Sámemišuvdna lea vuovdán iežaset Virma-namat viesu. Viessu lei Lujávrris Guoládagas. Viessu vuvdui borgemánu loahpas maŋŋil go Sámemišuvnna riikastivra dohkkehii oasti fálaldaga. Viesu haddi lei badjelaš 30 000 kr eambbo go dat maid Sámemišuvdna mávssii viesus dalle go oste dan. Viessu adnui  hoteallan ovdal ja Murmánskka fágasearvi dan eaiggádušai dalle. Dat koŋkánii 2004, ja de osttii Sámemišuvdna viesu, maid sii ledje láigohan muhtin áiggi. Sámemišuvnna daláš čálli Guoládagas dat hágai viessooastima.

Dan viesus lei Sámemišuvnnas kantuvra, dasa lassin lei málesgievkkan, čoahkkinlatnja ja rehabiliterendoaimmat jugešolbmuide. Muhtin oassi viesus lei hotealla mas ledje priváhta olbmot doaimmahedje. Viesu dáhkki lea álo golgan. Jagis 2008 mearridii riikastivra divodit dáhki, muhto dan barggus ledje váilevašvuođat. Čálli Guoládagas sivahallui verrošan ruđaiguin, ja muhtin rehkegat dan áigodagas leat jávkán Sámemišuvnna Lujávrri kantuvrras.

-Dál lea viessu vuvdojuvvon ja váttis ja lossa áigodat Sámemišuvnna guoládatbarggus lea loahpahuvvon, čállá nubbinjođiheaddji Thor Henrik With bláđis Samenes Venn. Son muitala ahte sin stuora plánat masa Virma-viessu galggai geavahuvvot, leat lonuhuvvon váivves vásáhusaiguin main váillui realisma, váillui gelbbolašvuohta ja lei maid čurbodat. Son sávvá ahte dat vásáhusat leat oahpahan Sámemišuvnna juohke dásis šaddat čeahpibun ja buorebut guorahallat ja diktit áššiid láddat ovdal čađaha daid maid áigu bargat sámi olbmuid luhtte Norggas ja Ruoššas. KPK

 

Sámemišuvdna fárre

Norgga Sámemišuvnna váldokantuvra fárre Troandimis Romsii. Dan dahket jahkemolsumis. Organisašuvdna maid unnida bargiidlogu hálddahusas ain eambbo, nu ahte guhkit áigái sis leat sullii 3 jahkebarggu hálddahusas. Riikastivra sávvá ahte sirdin dahká ahte doaibmá šaddá njuovžileabbun ja ahte bargu olggos guvlui nannejuvvo davvin, sihke Davvi-Norggas ja Ruoššas. Roald Gundersen lea aiddo virgáduvvon hálddahushoavdan. Gundersen lea leamaš NAV:s Davvi Romssas njunušvirggis. Sus leat čanastagat lutherlaš-læstadialaš čoakkalmasaide. Sámemišuvnna váldokantuvra lei álggos Romssas áigodagas 1888-1916. Das maŋŋil sirde dan Troandimii. KPK



Powered by Cornerstone