kpk - til forsiden
               
Kristelig Pressekontor postboks 101 tlf 69 88 43 90 faks 69 88 43 94 e-post kpk@kpk.no
 
 
 

 

KPK leverer tekst og bilder til aviser og andre medier, som abonnerer på stoffet. Andre som besøker siden, kan lese nyhetsstoffet 24 timer etter at det er sendt ut til abonnentene.
Tekst på bokmål og nynorsk.

Ođđa bisma lea Olav Øygard

Publisert 29.09.2014

Olav Øygard lea Davvi -Hålogalándda ođđa bisma. Girkoráđđi virgádii su čakčamánu 25.beaivvi čoahkkimis Romssas. Per Oskar Kjølaas lea luohpan bisman Norgga guovtti davimus fylkkas. Golbma evttohasa ledje ožžon eanemus jienaid girkolaš jienasteamis ja sii ledje Álttá proavás Olav Øygard (58), Romssa duopmoproavás Herborg Oline Finnset (53) ja ossodathoavda Girkoráđis Hans Arne Akerø (65). Jienasteamis oaččui Øygard gávcci jiena ja Finnset oaččui čieža jiena.

- Girkoráđđi lea válljen deattuhit ahte Øygard lea guhká leamaš báhppan Finnmárkkus ja guokte maŋemus jagi lea leamaš proavás Álttá báhppasuohkanis. Son lea háhkan buori jođihanvásáhusa. Bismagottis dorjo oallugat su. Norgga girku lea ožžon bismma gii addá saji dasa ahte leat iešguđetlágan oaivilat. Øygard deattuha ahte dat mii čohkke girku lea osku Jesus Kristusii. Dat lea hui buorre vuolggasadji ámmáhis bargat bisman dakkár bismagottis mas lea girkolaš ja kultuvrralaš máŋggašláivuohta, dadjá Girkoráđi jođiheaddji Svein Arne Lindø, kirken.no neahttasiiddus. Skábmamánu 9.beaivvi 2014 biddjojuvvo Øygard bismaámmáhii Romssa duopmogirkus. KPK

 

Lulli-Korea lávlunnásti áigu lávlut sálmmaid NRKs

3000 norgalačča ja okta lullekorealaš tv-násti leat dieđihan ahte sii áigot lávlut sálbmagirjjis vearssas versii ja pearpmas perbmii, dieđiha NRK Trøndelag. Jaemin Park lea dovddus dánsár, prográmmajođiheaddji ja neavttár Lulli-Koreas. Sus lea maid musikálaartistaduogáš. Park áigu oahpahallat ovtta dárogiel sálmma jus beassá oassálastit muhtin lávlunkoaras NRK 60- diibmosaš njuolggosáddagis.

NRK prošeaktajođiheaddji Per Ingholm Gustavsen lohpida ohcat sálmma maid korealaš lávlu ja vel koara masa son searvá. Lulli-Korea TV ráhkada dokumentára norgga «hillje-tv»-sáddagis.  

Lassin Lulli-Korea tv-nástti de servet maid 237 norgga lávlunkoara lávlut dárogiela ođđa sálbmagirjji vearssas versii, minuhtas minuhttii NRKs skábmamánu maŋemus vahkkoloahpa.

–Jus rehkenastá ahte leat sullii 15 olbmo juohke koaras, de leat sii oktiibuot 3000 lávlu ja dat lea oba somá, dadjá Helge Gudmundsen NRK-prográmmas mas lea namma «Salmer til alle tider». KPK

 

Risttalaš spábbačiekčan-kapteaidna

– Mun ferten lea dihtomielalaš das maid mun válljen, maid mun dajan ja maid dagan, dadjá Vegar Landro, gii lea kapteaidna Bryne 1. divišuvnna čiekčiidjoavkkus.

Landro oassálasttii geasset pánelaságastallamis Ung Landsmøte, Nuoraid Riikkačoahkkimis, maid Miššonovttastusa ja Sismiššonlihtu nuoraidorganisašuvnnat lágidedje. Miššonovttastusa neahttasiidu iTro.no lea su jearahallan maŋŋil. Son muitala dan dili mii lea spábbačiekčis – ja dat ahte leat risttalažžan tøffa birrasis mas sii ellet hui lahkalaga joavkun. 

– Ii lean geahpas álggos leat nu tøffan ja dadjat ahte mun oskkun Jesusii. Dál lean boarráset šaddan ja lean nannoset risttalaš go ovdal, dadjá Landro. KPK



Powered by Cornerstone