kpk - til forsiden
               
Kristelig Pressekontor postboks 101 tlf 69 88 43 90 faks 69 88 43 94 e-post kpk@kpk.no
 
 
 

 

KPK leverer tekst og bilder til aviser og andre medier, som abonnerer på stoffet. Andre som besøker siden, kan lese nyhetsstoffet 24 timer etter at det er sendt ut til abonnentene.
Tekst på bokmål og nynorsk.

Kasakhstanlaš biibbalgovat Kárášjoga girkus

Publisert 14.06.2017
Dán geasi beasat don oaidnit 56 gova maid kasakhstanlaš dáiddár Nelly Bube lea ráhkadan. Govat leat oaidnimis Kárášjoga girkus.

Nelly Bube lea dovddus iežas ruovttueatnamis go ráhkada govaid Kasakhstána nomadalaš kultuvrra vuođul. Su govat leat oassin johtti govvačájáhusas "Stuora muitalus" mii dán geasi lea Kárášjogas.

– Hui somá go čájáhus dál lea Kárášjogas. Mus leat vuordámušat oaidnit maid čájáhus muitala midjiide, dajai proavásbáhppa Jan Høifødt rahpandilálašvuođas.

Biibbalmuitaleaddji Anne Kristin Aasmundtveit láidestii olbmuid Salomo allalávlagii girkus. Nuppe bealde lanja ledje girkoseinniide heŋgen Nelly Bube govaid maid vuođđun leat Biibbala vuosttaš girjjit.

LAST NED SAKEN PÅ SAMISK OG BOKMÅL HER

– Eai hárjánan

Báhppa Jan Høifødt jurddašallá ahte lea hui erenoamáš go sentral-Asia nomadalaš kultuvrras dál čájehuvvojit govat sámiguovllu girkus Norggas.

– Sápmelaččat leat maid johtti álbmot. Dat veadjá ahte dát govat mat bohtet sullasaš kultuvrras áibbas eará báikkis máilmmis, muitalit juoidá midjiide Kárášjogas, smiehttá Høifødt. Son deattuha ahte Kárášjoga searvegoddi ii leat nu hárjánan oaidnit dáiddačájáhusa girkus.

 – Mii eat leat dása hárjánan. Mun jáhkán ahte lea vuosttaš gearddi ahte Kárášjoga girkus lea dákkár čájáhus. Go girku dál ráhppojuvvo dáiddačájáhussii ja muitalančájáhussii, de mii eat vuordde ahte buohkat liikojit dasa. Mii fertet dohkkehit ahte eai buohkat liiko dása, dadjá Høifødt.

Kasakhstanlaš biibbalgovat Kárášjoga girkusSomá: Biibbalsearvvi biibbalmuitaleaddji Anne Kristin Aasmundtveit (gurut bealde) ja Kárášjoga searvegottipedagoga Olaug Eriksen lohkaba ahte lea somá go dát govat dál leat oaidnimis Finnmárkkus.

Máŋgga lanjas

Dát 56 gova leat biddjon máŋgga látnjii Kárášjoga girkus. Searvegoddesála ja feaskkir geavahuvvo govaide. Girkus golgá dáhkki ja danne sirddiimet govaid eret girkulanjas ja bijaimet eará lanjaide. 

– Dát čájáhus geavahuvvo girku pedagogalaš barggus, ja turisttat ja eará mátkkošteaddjit ožžot boahtit geahččat čájáhusa, dadjá Olaug Eriksen.

Miehtá riikka

Biibbalsearvi lea ilus go beassá čájehit Nelly Bube govaid Finnmárkkus. Govat leat maid čájehuvvon Álttá váldogirkus - Nordlyskatedralas.

– Biibbalsearvi oaidná dehálažžan oažžut ovdan ahte mis lea bargu miehtá Norgga. Biibbalsearvvi 200 jagi čađa leat mii bargan biibbaljorgalemiin sámegillii. Muhto biibbala muitalusaid mii hálidit maid buktit ovdan eará vugiin. Danne lei somá go Kárášjoga searvegoddi válddii dán govvačájáhusa, dadjá Biibbalsearvvi biibbalmiššonjođiheaddji Bernt Greger Olsen. Son deattuha ahte dát govvačájáhus ferte maid heivet báikkálaš kultuvrii. KPK



Powered by Cornerstone