kpk - til forsiden
               
Kristelig Pressekontor postboks 101 tlf 69 88 43 90 faks 69 88 43 94 e-post kpk@kpk.no
 
 
 

 

KPK leverer tekst og bilder til aviser og andre medier, som abonnerer på stoffet. Andre som besøker siden, kan lese nyhetsstoffet 24 timer etter at det er sendt ut til abonnentene.
Tekst på bokmål og nynorsk.

Measta beali eambbo sámegiella ipmilbálvalusain

Publisert 23.05.2017
Raporta muitala ahte leat measta beali eambbo dat ipmilbálvalusat main lea sámegiella jagis 2016 go jagis 2014. Dan dieđiha Norgga girku.

Norgga girku guovddášgirkolaš ráđit raporta čájeha ahte sámegiella lea ipmilbálvalusain geavahuvvon eambbo daid maŋemus jagiid. Norgga girku searvegottit leat raporttain almmuhan 892 ipmilbálvalusa main lei sámegiella jagis 2014. Diibmá lei lohku lassánan nu ahte ledje 1745 ipmilbálvalusa mas sámegiella geavahuvvui.

– Lea illudahtti oaidnit ahte sámegiella lea lassánan ipmilbálvalusain. Lea mávssolaš beassat iežas giela gullat ipmilbálvalusas, dadjá Sámi girkoráđi jođiheaddji Sara Ellen Anne Eira preassadieđáhusas.

Dat searvegottit leat lassánan mat geavahit sámegiela eambbo dál, jagis 2014 ledje 80 searvegotti main sámegiella lei ja 2016:s leat 131 searvegotti.

– Dás oaidnit ahte Norgga girku mii lea álbmotgirku, atná duođalažžan ahte sámegiella ja dárogiella leat dássálas gielat Norggas. Buorre go ovdána buori guvlui, erenoamážit go diehtit dan ahte leat unnán sámegielat báhpat ja eará girkolaš bargit, dadjá Eira.

Lassáneapmi lea 95 % ja dat máksá ahte ipmilbálvalusat main sámegiella adno, leat measta beliin lassánan 2014 rájes 2016 rádjái.

– Buorre oahppu sámegielas ja kultuvrras girkolaš bargiide váikkuha maid dasa ahte sámegiella oidno eambbo girkolaš meanuin, sámegielat bargit loktejit giela árvvu, loahpaha Eira. KPK

LAST NED NOTISEN PÅ BOKMÅL OG SAMISK HER



Powered by Cornerstone