kpk - til forsiden
               
Kristelig Pressekontor postboks 101 tlf 69 88 43 90 faks 69 88 43 94 e-post kpk@kpk.no
 
 
 

 

KPK leverer tekst og bilder til aviser og andre medier, som abonnerer på stoffet. Andre som besøker siden, kan lese nyhetsstoffet 24 timer etter at det er sendt ut til abonnentene.
Tekst på bokmål og nynorsk.

Riikkaidgaskasaš čoahkkin álgoálbmogiid ja soabahusa birra

Publisert 11.04.2016
Girkuid máilmmiráđđi ja Norgga Girku Sámi girkoráđđi dollet čoahkkima mas lea sáhka álgoálbmogiin ja soabahusproseassain.

– Jaskatvuohta, diehttemeahttunvuohta ja biehttaleapmi, mii lea olu báikkiin máilmmis eanetloguservodagaid ja álgoálbmogiid gaskkas, hástaluvvo go álgá ságastallat historjjá duohtavuođas. Dan dadjá Sámi girkoráđi váldočálli Tore Johnsen preassadieđáhusas. Son jođiha álgoálbmotreferánsajoavku Girkuid máilmmiráđi olis ja son lea čoahkkima lágideaddji. Maŋemus jagiid leat leamaš máŋggat konkrehta soabahanproseassat álgoálbmogiid ja eanetloguservodagaid gaskkas iešguđet báikkiin máilmmis. Muhto koloniserenhistorjá ja vealahanhistorjá váikkuhit ain sihke álgoálbmogiidda ja eanetloguservodahkii.

– Danne lea áigeguovdil geahčadit soabadeami sosiála rievdanproseassain mat leat álgoálbmogiid ja eanetloguservodagaid gaskkas, dadjá Johnsen. Čoahkkima sáhkavuođđun leat «duohtavuohta», «buorideapmi» ja «earáhuhttin» mat leat soabadeami čoavddaoasit, ja mii deattuhit risttalaš girkuid erenoamáš ovddasvástádusa ja rolla dán oktavuođas, daddjo preassadieđáhusas. Álgoálbmotčoahkkin lea Troandimis geassemánu 20.-21.beivviid 2016 go Girkuid máilmmiráđđi čoahkkana. Čuovvovaš ásahusat leat mielde lágideame čoahkkima: Ruoŧa girku Sámi girkoráđđi, Suoma evangelialaš-lutherlaš girku Sámi ráđđi ja Girkolaš oahpahusguovddás davvin. KPK



Powered by Cornerstone