kpk - til forsiden
               
Kristelig Pressekontor postboks 101 tlf 69 88 43 90 faks 69 88 43 94 e-post kpk@kpk.no
 
 
 

 

KPK leverer tekst og bilder til aviser og andre medier, som abonnerer på stoffet. Andre som besøker siden, kan lese nyhetsstoffet 24 timer etter at det er sendt ut til abonnentene.
Tekst på bokmål og nynorsk.

KFUK- KFUM váldá badjelasas álbmotallaskuvlla

Publisert 29.09.2015

Norgga nuoraidorganisašuvdna KFUK- KFUM váldá badjelasas Soltun Álbmotallaskuvlla Evenáššis, Harstáda lullelis. Ja ovddeš suohkanbáhppa ja sátnejođiheaddji Rolf Steffensen lea njunnošis dán barggus. KFUK- KFUM lea maŋemus jagi bargan ollašuhttit dan ahte badjelasas váldit Álbmotallaskuvlla. Soltun Álbmotallaskuvla lea álggu rájes, dan rájes go 1974:s ásahuvvui, leamaš Vuođđudus maid eaiggádii Metodistagirku.

Dáhttot nannet barggu Davvi-Norggas

Ovddeš suohkanbáhppa ja sátnejođiheaddji Rolf Steffensen lea skuvlla ođđa rektor, nu organisašuvdna almmuha preassadieđáhusas.

– Mii háliidit KFUK-KFUM saji nannet Davvi-Norggas ja ovdánahttit dán ođđa Soltun álbmotallaskuvlla. Mii doaimmahit jođiheaddjihárjehallama ja ođđa prográmma skuvlla kursaguovddážis mii boahtá ávkin mánáid- ja nuoraidbargui Nordlánddas, Romssas ja Finnmárkkus, dadjá váldočálli Øystein Magelssen.

Ođđa sisdoallu

Oktanis dainna ahte leat leamaš šiehtadallamat Metodistagirkuin, de lea organisašuvdna huksen ođđa prográmmasisdoalu skuvlii. Rolf Steffensen lea leamaš mielde dán barggus ja lea maŋemus jagi buktán evttohusaid Soltun Álbmotallaskuvlla ovdáneapmái. Ođđa Soltun galgá leat skuvla mii geasuha ollu nuoraid, maiddái riikkaidgaskasaččat. Skuvla maid geavaha lagasbirrasa buriid vejolašvuođaid go lea Sámis ja hukse saji dasa ahte ságastallojuvvo álgoálbmotáššiin, muitala organisašuvdna.  KFUK-KFUM eaiggáduššá ja jođiha juo golbma eará álbmotallaskuvlla – Sunnmøre Folkehøgskole, Valdres Folkehøgskole ja Rønningen Folkehøgskole. KPK



Powered by Cornerstone