kpk - til forsiden
               
Kristelig Pressekontor postboks 101 tlf 69 88 43 90 faks 69 88 43 94 e-post kpk@kpk.no
 
 
 

 

KPK leverer tekst og bilder til aviser og andre medier, som abonnerer på stoffet. Andre som besøker siden, kan lese nyhetsstoffet 24 timer etter at det er sendt ut til abonnentene.
Tekst på bokmål og nynorsk.

Sápmelaččat ožžo Biibbala 1895

Publisert 02.02.2015

Ođđajagimánu 1895 almmuhuvvui sámegiel Biibbal vuosttaš gearddi. Dassážii lea 120 jagi áigi.  Almmuheaddji lei daláš Norsk Finnemisjon ja mii dál lea Sámemišuvdna. Sii deaddeledje 1150 gáhppálaga. Dát biibbal lea ain dálge áidna ollislaš sámegiel biibbal, dadjá Sámemišuvnna váldočálli Thor Henrik With.

– Boares testameantta jorgalii Lars Hætta sámegillii. Son lea čohkkán giddagasas daningo lei Guovdageainstuimmiin mielde 1852. Su jorgalanbargu leat dárkkistan čuovvovaš olbmot:

professor J. A. Friis, bisma J. N. Skaar Romssas, rektor Romssa oahpahusas J. Qvigstad ja girkolávlu Salomon Nilsen. Dan muitala Sámemišuvnna preassadieđáhus.

Ođđa testameanta anii vuođđun ovddeš jorgalusa mii lei almmuhuvvui 1840. Norgga biibbalsearvi lei 1800-loguin áidna ásahus mii almmuhii Biibbaliid, muhto ii nagodan ruđalaččat almmuhit earágo 1.Mosesgirjji.

Girkodepartemeanta ii juolludan doarjaga Biibbala almmuheapmái. Bisma Skaar geahččalii earaládje oažžut doarjaga biibbalalmmuheapmái, muhto ii lihkostuvvan dainna bargguin. Danne Skaar bijai jagis 1888 riikaviidosaš ávžžuhusa addit doarjaga Sámemišuvdnii vai sámegiel Biibbala sáhttá almmuhit.

– Go de bisma Skaar bijai dákkár ávžžuhusa oaččuhit sámegiel Biibbala ja risttalaš sárdnideami, de son seammás čájehii vuostehágu dáruiduhttinpolitihkkii mii dan áiggi lei guovddážis. Son leige dán politihka almmolaš vuosttaldeaddji, dadjá With.

Skaara ávžžuhusa válde bures vuostái juohke báikkis riikkas, ja danne dat aiddoálgi unna searvváš nagodii almmuhit sámegiel Biibbala, mii lei oba stuora bargu.

– Dát bargu lea mearkkašan olu sámegiela geavaheapmái gitta otná beaivái, dadjá With. KPK



Powered by Cornerstone