kpk - til forsiden
               
Kristelig Pressekontor postboks 101 tlf 69 88 43 90 faks 69 88 43 94 e-post kpk@kpk.no
 
 
 

 

KPK leverer tekst og bilder til aviser og andre medier, som abonnerer på stoffet. Andre som besøker siden, kan lese nyhetsstoffet 24 timer etter at det er sendt ut til abonnentene.
Tekst på bokmål og nynorsk.

Nammamolsun mearraolbmáidgirku bláđis

Publisert 26.01.2015
Mearraolbmáidgirku miellahttobláđđi lea «Bud & Hilsen». Dan ásahedje 1865 danin ahte ságaid fievrridit mearraolbmáid ja miššonservviid gaskkas.

Bláđđi lea máŋgii rievdaduvvon, muhto namma lea ceavzán gitta dássážii. Dál Mearraolbmáidgirku rievdada bláđi mii lea leamaš 150 jagi. «Bud & Hilsen» molsu nama ja dál gohčodit dan «Hjem» mii lea sámegillii ruoktu. Sii čilgejit nama rievdadusa nu ahte norgalaš olbmot geat leat guhkkin eret ruovttus, dovdet ahte sii leat dego ruovttus mearraolbmáidgirkus.

– Mearraolbmáidgirku lea dego unna oasáš Norggas guhkkin máilmmis. Danne sii dál molsot bláđi nama ja oaivvildit ahte Ruoktu lea nana namahus mii heive dálá dillái, dadjá redaktevra

Inge Mørlandi preassadieđáhusas. KPK

Juovlabáhti čokkii 32 miljovnna

Frelsesarmea juovlabáđis eai leat vel visot ruđaid lohkan, muhto dássážii lea ođđa olahus leamaš. Badjel 32 miljovnna kruvnno leat olbmot bidjan juovlabáhtái, ja dat lea mihá eambbo go jagis 2013, čállá Frelsesarmea preassadieđáhusas. Diehtojuohkki Andrew Hannevik giitá buohkaid geat adde ruđa ja dadjá ahte miljovnnaid sii geavahit mánnábearrašiidda geain lea váttis dilii, oktováhnemiidda, ovttaskas vuorasolbmuide ja olbmuide geat leat darvánan gárrenmirkkuide.

─ Ruđat addet liegga borramuša, niestebihtá, biktasiid, muhtima geainna besset ságastit, astodoaimmaid mánáide, vejolašvuođa luomustallat, boaldámuša oastimii ja veahkehit elrávdnjerehkega máksit. Dát veahkki lea sidjiide geat ohcet veahki Frelsesarmeas, dadja Hannevik. KPK

 

– Ođđa friddjaskuvlaláhka hehtte ođđaálggahemiid

KFF (Kristtalaš friddjaskuvllaid lihttu) bivdá ráđđehusa bissehit evttohusa mas áigot gáibidit ahte friddjaskuvla galgá leat oalle stuoris ovdalgo beassá álggahuvvot. Máhttodepartemeanta evttoha ođđa láhkaárvalusas duppálastit friddjaskuvllaid sturrodaga ja gáibidit 30 oahppi skuvlli dan sadjái go 15 maid dál gáibidit. KFF ii leat duhtavaš láhkaevttohusain ja oaivvilda rievdadusa váikkuhit dasa friddjaskuvllat vealahuvvojit almmolaš skuvllaid ektui. Ráđđehus dáhttu evttohusain oažžut nana politihkalaš doarjaga, ja danin fievrriduvvojit olu láhkaásahusat ja ekonomalaš rámmaeavttut maid ovddit ráđđehus lea mearridan. KPK

 

Finnmárkku Sismiššovnnas ođđa jođiheaddji

Paul Tore Garvo (46) lea Finnmárkku Sismiššonlihtu biirejođiheaddji. Garvo álgá bargui mas Øyvind Kjelling heaitá njukčamánu 1. beaivvi. Stivra dadjá su birra ahte sus lea dáidu ja áddejupmi miššuvnna doaimmahit Finnmárkkus.

– Paul Tore lea veahá dego báimman. Son lea hui čeahppi olbmuiguin ságastallat ja čájehit beroštumi, dadjá stivrra ovdaolmmoš Roald Evensen Sambåndet- bláđđái. Garvo lea finnmárkolaš ja bajásšaddan Ánnejogas Čáhcesullos. Ekonomalaš sivaid dihtii álgá son álggos 50 % virgái, muhto stivra dadjá sii viiddidit virggi jus ruhtadilli luoitá. KPK



Powered by Cornerstone