kpk - til forsiden
               
Kristelig Pressekontor postboks 101 tlf 69 88 43 90 faks 69 88 43 94 e-post kpk@kpk.no
 
 
 

 

KPK leverer tekst og bilder til aviser og andre medier, som abonnerer på stoffet. Andre som besøker siden, kan lese nyhetsstoffet 24 timer etter at det er sendt ut til abonnentene.
Tekst på bokmål og nynorsk.

Nuorra muslima gájui máŋga gissela Parisafalleheami áššis

Publisert 19.01.2015

Lassana Bathily (24), Malis eret, gájui máŋga gissela go kosher-gávpi fallehuvvui Paisas. Bathily lei barggus go fáhkka bođii islamlaš falleheaddji. Olbmot suorganedje ja dieđus suorganan olbmot, sullii 15 kunda, čiehkádedje gávppi geallárii, ja Bathily dadjá:

– Go fuobmájin ahte olbmot vihke vulos, de mun rabistin čoaskkudanlanja uvssa, son muitala. Franska neahttaaviisa RTL čállá ahte Bathily bijai čoaskkudanlanja uvssa gitta, jáddadii čuovgga ja dajai olbmuide ahte galget leat jaska doppe.
Viimmát bohte politiijat gávpebáikái ja godde fallejeaddji ja gádjo gisseliid. Kundarat geat čoaskkudanlanjas ledje leamaš, giitaledje Bathily.

– Sii giite ja sávve lihku munnje", muitala Bathly franska TV-kanálii BMFTV. KPK

 

Islándda álbmotgirku oažžu ruđaid ruovttoluotta

Islándda sisriikaministtar Ólöf Nordal lea dorjon evttohusa ahte Islándda álbmotgirkui máksit kompensašuvnna. Girku vaháguvai ruđalaččat dallego riikkas lei ekonomalaš roassu jagis 2008 ja girku šattai gáržžes ruhtadillái. Evttohuvvon máksu maid girku oažžu ruovttoluotta addá álbmotgirkui ruhtadoarjaga birrasiid 39, 2 miljon norgga kruvnno.

 – Ráđđehus digaštalai áššis diimmá čavčča ja dajai čielgasit ahte ráđđehus dáhttu duhtadit girku dárbbuid, dajai Nordal jearahallamis islándda ođaskanálii RÚV. Islándda stáhtaministtar Sigmundur Davíð Gunnlaugsson rámidii girku go lea leamaš gierdavaš ja maŋemus jagiid birgen unnán ruđain, ja dajai maid ahte ruhtadoarjja berre lasihuvvot. KPK

 

Metodistagirku ovddida dialoga Paris-terrora maŋŋil

Metodistagirku njunnošat oaivvildit ahte oskkusearvvit galggaše čoahkkinastit rastá oskkurájiid vai eastadivččii ekstrema daguid.

Mánu ovdal go goddimat terrora geažil dáhpáhuvve Parisas, de Metodistagirku lei álggahan oktasaš čoahkkima risttalaš ja muslimlaš nuoraid gaskkas Oslos. Čoahkkin lei okta oassi girkoservodaga kurssas.  Dás oahpahuvvui oskkuidgaskasaš dialoga.  Lei vuosttaš gearddi ahte Eurohpás dollui dákkár čoahkkin. Dál go Parisas dáhpáhuvve olmmošgoddimat ja olbmot leat čájehan máŋggalágan reakšuvnnaid, de olu oasseváldit deattuhit ahte Eurohpás lea fas dárbu ahte iešguđetlágan oskkoldatlaš joavkkut gulahallet gaskaneaset. KPK

 

– Lávki rivttes guvlui

– Mii leat ovttamielalaččat dasa ahte lea duođaid dárbu čuovvolit min áigumuša ahte leat njunnošis dialoga ovddideamen. Mii áddet muslimaid eambbo ja mii áddet buorebut sin eallima min servodagas. Ja de šaddá álkit gulahallat positiiva ja dohkálaš vugiin, dadjá Karl Anders Ellingsen. Son lea Metodistagirkus Norgga miellahtobláđi redaktevra. Metodistagirku čállá maid neahttasiidduin ahte "gulahallan Tauheed-moskeain Oslos lei dehálaš nannensuorgi sin barggus mii gullá ekomenalaš ja oskkuidgaskasaš gulahallamii Eurohpás." Girkoservodat áigu ain čuovvolit ášši ovddasguvlui.. KPK

 

Ruhtaspeallu sáhttá billistit eaktodáhtolašvuođa

Máhttodepartemeanta lea diŋgon guorahallama ja dat čájeha ahte jus ložže ruhtaspeallopolitihka de dat váikkuhu dasa ahte eaktodáhtolašvuođa sisaboađut unnot. Máŋga eaktodáhtolaš organisašuvnna leat oktasaš čuorvasiin bivdán ráđđehusa bissehit evttohusa ahte addit liseanssa olgoriikalaš spealloselskáhpiide. KPK

Čuorvvas

Blå Kors lea okta 16 eaktodáhtolaš organisašuvnna searvvis mii lea čuorvasa vuolláičállán.  Dán organisašuvnnas lea dikšunfálaldat olbmuide geat gillájit ruhtaspeallama dihte. Váldočálli Jan Elverum lea preassadieđáhusas ohcalan doaimmaid mat eastadivčče váttisvuođaid mat badjelmeare ruhtaspeallamis čuvvot.  

– Mii diehtit ahte olu dat stuora speallanfitnodagat hui garrasit márkanfievrridit iežaset fálaldaga olbmuide geat leat áŋgirat speallat. Olbmot geat leat leamaš divššus min luhtte, muitalit ahte speallanfitnodagat riŋgejit ja fillejit eambbo ruđain, lassivuoittuin ja fállet maid eará ovdamuniid. Dakkár márkanfievrrideami ii berre bálkkašit liseanssa addimiin, oaivvilda Elverum.

Lasiha speallanváttisvuođaid

Elverum oaivvilda ahte lea stuora ballu go addo vejolašvuohta eambbo speallat ruđa, de lassánit speallanváttisvuođat. Bergena universitehta logut (2014) čájehit ahte dál leat birrasiid 22.000 olbmo Norggas geat bártidit ruhtaspeallanváttisvuođain. Sullii 100.000 olbmos lea riskalaš speallanláhtten ja váttis dilli ruhtaspealuid ektui. KPK



Powered by Cornerstone